loi des rendements décroissants en arab
شناهوا loi des rendements décroissants
هدا قانون كيتطبق على اي عملية انتاج اللي كيتدخلو فيها بزاف ديال العوامل ( عوامل الانتاج من طبيعة الحال و المقصود هنا : الارض ، رأس المال و قوة العمل مثلا ... ) . شنو هو مضمون القانون ، كيقول بأن ادا خدينا واحد من عوامل الانتاج و زدنا فيه في حين خلينا لخرين كيما هوما ( مثلا قطعة أرضية فيها اربعة عمال ، نخليو نفس القطعة الارضية و نزيدو عامل واحد آخر يعني زدنا في العمل ) فان الانتاجية غتنزل تدريجيا و تناسبيا مع الرفع من عدد العمال ( في حالة المثال ديالنا ) .
يعني كلما زدنا عدد العمال كتنقص انتاجية القطعة الارضية و لكن المشكل ماشي من القطعة الارضية و لكن من عدد العمال اللي ارتفع ، يعني ادا حسبنا productivité marginale ديال القطعة الارضية غتبقا تابتة حيت مازدنا مانقصنا و لكن مردودية العمال كتنقص يعني productivité marginale du facteur variable diminue progressivement avec son augmentation .
باش نلخصو كلشي : عندك ارض فيها هكتار مثلا ، داير فيها مزارع واحد ، من طبيعة الحال ميقدرش ينتج بوحدو بوفرة قررتي تزيد العدد ، الانتاجية ماشي غتهبط و انما غتزيد ، غيعجبك الحال و غتزيد ، الانتاجية غتزيد و لكن ماشي بنفس القدر ، غتوصل لواحد العدد بالضبظ و تنزل المردودية يعني كاين واحد المستوى اللي كتقلب فيه الاية .
