POLITIQUE BUDGETAIRE EN ARABE
السلام عليكم متتبعينا الاوفياء ، ليوم غنشوفو الجواب على واحد من الاسئلة اللي كتطرح بكثرة ، موضوع اليوم غيكون جزء مكمل لمواضيع سبق و تم النشر ديالها كالموضوع ديال البنك المركزي ...
على بركة الله نكتاشفو هدا الموضوع ، اليوم غنهضرو على #politique_budgétair و اللي هي في المقام الاول و بكل بساطة سياسة اقتصادية اللي من خلالها كتدخل الدولة بواحد من وسائلها القوية اللي هو budget باش تحقق مجموعة من الاهداف اللي حطاها نصب عينيها .
واش الدولة موالفة دير بحال هاكا ، يعني تاريخيا واش ديما كاينة هاد القضية ؟
طبعا الجواب هو لا ، و باش نفهمو هاد الطرح خاصنا نديرو إشارة بسيطة لواحد الحاجة اللي هي تدخل الدولة في الاقتصاد و بما اننا كنهضرو من منظور ديال استعامالها ل budget فغناقشو الموضوع من وجهة نظر finance publique و اللي هو مفهوم تطور عبر الزمن ف في مراحل اولى كان كيتسمى finance classique ببساطة للاشارة لكونه مرتبط بالمدرسة الكلاسيكية اللي كانت ضد اي تدخل للدولة ، و كانت كتقول بأن الدولة خاصها تمول غير القطاعات الضرورية للسير العادي للامور في المجتمع ( كالأمن و الجيش مثلا ) ، يعني ان في هده الفترة لا يمكن ان نتحدث عن مفهوم politique budgétaire ^_^ ، نقطة التغيير غتكون مع كبيرهم J.M.Keynes اللي من بعد ازمة 29 و الاوضاع الكارثية اللي عرفها الاقتصاد العالمي أنداك ، غيقدم نظريات و حسابات تبين أهمية تدخل الدولة بسياسات نقدية اللي غتمكن الدولة من التأثير على طلب الافراد و استثمار المقاولات باعتبارهما عنصرين مهمين من مكونات الناتج الداخلي ( من بعد الثلاتينات غنبداو نهضرو على finances modernes ) .
ادا ف الدولة تستطيع التدخل و التأثير على الاقتصاد باستعمال budget في اطار واحد politique de régulation de la conjoncture هده السياسة الي يمكن تستعمل في منحيين مختلفين تماما : ممكن تكن تقشفية أو انها تكون مسهلة لعملية انعاش الاقتصاد
#INFO-ECONOMIQUE
