L'ecole Classique بالدارجة
نحاولو اولا نعرفو السيد كينز فهو اولا ايكونوميست انجليزي و تلميد ديال ألفريد مارشال كينز غادي يصادف في حياته وحدة من أكبر انتكاسات النظام الاقتصادي الرأسمالي و اللي كانت بين الحربين العالميتين و بعدها و اللي كتجلى في أزمات اقتصادية دورية اللي خلات هدا النظام يعاني بزاااف و تخليه على فراش الموت و أكبرها و اللي كلكم كتعرفوها هي أزمة 29 و التي كادت ان تكون المسمار الاخير الدي يطرق في نعش الرأسمالية كنظام اقتصادي ، هاد الفترة بينت و بشكل واضح ضعف مفاهيم و مبادئ النظريات التي تنبني عليها المدرسة الكلاسيكية و اللي ورثناها و خدمنا بيها لسنوات كقانون العرض يخلق الطلب و اللي كنعتبرو ( بكل تواضع رغم عدم أهليتي لقول هدا الكلام ) سبب مباشر في ازمة فائض الانتاج ، على أي ، كينز غادي يجيب افكار ثورية غادي تقلب كل ماهو كلاسيكي تقليدي و غادي يعرض لاول مرة نظريات تتجاوز المفاهيم الكلاسيكية ، نظريات كينز تميزت بنوع كبييييير ديال الجرأة إد ان و بعد كل كلمة كيقولها الاقتصاد كمفهوم كيتغير ناخدو مثال بسيط فمثلا finances publiques كمفهوم تغير جدريا مع ظهور نظيرة تدخل الدولة لكبح او تشجيع الاقتصاد بواسطة politique budgétaire .
الإقتصاد الجزئي و الكلي
السلام عليكم اليوم غنشوفو موضوع على نظريات كينز و المدرسة الكينيزية و في هدا الجزء غنشوفو أول تحول غيعرفو الاقتصاد و هو الانتقال من الاقتصاد الجزئي micro économie الى الاقتصاد الكلي macroéconomie ، ففي ما مضى كانت دراسة الاقتصاد تنبني على تحليل جزئي يعني ان العلاقات الفردية و تحليلها هو اللي كيعطي فكرة عامة على الاقتصاد فاهتم الكلاسيكيون بدراسة تصرف الافراد كالمنتج producteur و المستهلك consommateur . غيجي كينز و غدي يقلب هدا المفهوم و غادي يقول بأن النظرة الجزئية لا تكفي لفهم الحياة الاقتصادية و اننا يجب ان ننظر اليها بنظرة شمولية و هاكا غيكون كينز أول واحد اسس نظريات و حسابا تسهل عملية فهم امور كبير و علاقتها ببعضها كالانتاج و الاستهلاك و البطالة ...، مقاديير اقتصادية من هدا الحجم لا يمكن معالجتها الا في الاطار الكينيزي و ليس الكلاسيكي .
كينز و النقود
لطالما اعتابرو الكلاسيكيون ان النقود عندها وظيفة واحدة و هي المبادلة فقط ، اد ان الكلاسيكيون اعتبروها محايدة و اهملوها في نظرياتهم ، و لكن كينز اعطاها قيمة نظرا لمعرفته بأن الناس مرتبطين بالنقود بشكل او بأخر ، ف الناس ماشي غي كيشريو بلفلوس و إنما في احيان كثير كيبغيو يخبيوها و يكتانزوها باش يشريو بيها من بعد ، يعني النقود تطلب لداتها لانها حسب قول كينز تشكل واحد الوعاء او خزان ديال القيمة ( réserve de valeur ) يعني يمكن نخبي فلوسي و نأجل الشراء حتا نكون مسالي و ماشي نبقا مربوط بالعملية المزدوجة ديال البيع و الشراء في ان واحد ( كالمقايضة ) ، و هاكا يمكن تشكل رابط بين الحاضر و المستقبل .
